Sími 441 5700 / 840 2681

Dvergholt

Mars 2018

Frá Dvergholti er allt gott að frétta. 

Dagana 12. - 23. mars voru fjölmenningardagar hjá okkur í leikskólanum og reyndum við að flétta fjölmenningu inn í okkar daglega starf. Við vorum mjög dugleg að syngja lög frá ýmsum löndum og skoðuðum á landakorti þau lönd sem tengjast þjóðerni þeirra sem eru í leikskólanum, en í leikskólanum eru börn og starfsfólk frá 14 löndum. 

Við erum búin að vera dugleg að fara út síðustu daga og reynum að nýta hvert tækifæri til að komast út að leika. Börnin njóta sín vel og eru dugleg að leika sér í útiverunni.

Börnin eru einnig búin að vera mikið í skapandi starfi síðustu daga og hafa verið að búa til listaverk fyrir páskana.





















Við á Dvergholti ætlum að halda áfram að hafa gaman saman og njóta útiverunnar. 

Kveðja frá Dvergholti


Febrúar 2018

Það er ávallt líf og fjör hjá okkur á Dvergholti. Börnin una sér vel í leik og starfi. Við reynum að fara út á hverjum degi meðan veður og aðstæður leyfa.

Síðustu dagar hafa verið fjölbreyttir og skemmtilegir. Á bolludaginn borðuðum við yfir okkur af bollum en í hádeginu fengum við fiskibollur og í kaffinu voru rjómabollur. Á sprengidag fengum við saltkjöt og baunasúpu. Á öskudag var mikil gleði og gaman að sjá alla í búningum. Við héldum furðufataball með Hulduholti og dönsuðum saman. Eftir glens og gaman fengu allir snakk og saltstangir og djús að drekka.  



























Kær kveðja,

Dvergholtskonur


Janúar 2018

Janúarmánuður fer rólega af stað hjá okkur á Dvergholti. Daglega starfið er á svipuðum nótum og það var fyrir áramót. Við erum dugleg að syngja í samverustundum og höfum gaman saman. Þessa dagana erum við mikið að æfa okkur að syngja lög tengd þorranum og erum við helst að syngja Á þorrablóti er gleði og gaman, Nú er úti norðanvindur, Frost er úti og Krummi krunkar úti.

Framundan er margt skemmtilegt hjá okkur á Kópasteini. Næstkomandi föstudag er bóndadagurinn og verður því boðið upp á þjóðlegan mat í hádeginu. Í febrúar fáum við til okkar góðan gest sem ætlar að kenna okkur jóga á fimmtudögum, alls 4 skipti. Fleiri viðburðir eru í febrúar og má lesa nánar um þá á forsíðunni.











Kær kveðja,

Dvergholt

Nóvember 2017

Allt gengur sinn vanagang á Dvergholti og una börnin sér vel hjá okkur. Það er ávallt líf og fjör hjá okkur á deildinni og börnin glöð í leik. Við erum byrjuð að undirbúa fyrir jólin og eru börnin búin að vera dugleg að föndra margt skemmtilegt fyrir jólin.

Við erum byrjuð að syngja jólalögin í samverustund og erum við helst að syngja Jólasveinar ganga um gólf, Adam átti syni sjö og Jólakötturinn ásamt fleiri skemmtilegum jólalögum. Í söngstund í morgun sungu börnin öll saman Skín í rauða skotthúfu.

Um miðjan nóvember var mikið líf og fjör í útiverunni og nutu börnin sín  í góðum leik í snjónum. Börnin ýmist renndu sér á þoturass og/eða léku sér í snjónum.

Kær kveðja,

Dvergholt